Un xurado composto por profesorado universitario elixiu as propostas que considerou de maior interese en base a criterios como o grao de innovación, impacto económico e social ou viabilidade de implantación, entre outros elementos a valorar
O proxecto Skeirrum da USC, integrado por Erea Rodríguez e Cintia Lomba, obtivo o segundo premio na oitava edición do Encontro Internacional de Emprendedores Novos que desenvolveuse en Zamora na Escola Politécnica Superior para promover a cultura do emprendemento. Ademais de Skeirrum, a institución compostelá concorreu con outros tres proxectos: EnergyFarm, Thermood e Iceberg 360.
A base do programa foi a presentación de iniciativas empresariais e sociais propostas por alumnado de todas as institucións participantes. Un xurado composto por profesorado universitario elixiu as propostas que considerou de maior interese en base a criterios como o grao de innovación, impacto económico e social ou viabilidade de implantación, entre outros elementos a valorar.
Loreto Fernández Fernández, Emilia Vázquez Rozas e Eva López Barrio, en representación da USC, participaron como xurado. O encontro trata de fornecer a presentación de proxectos de emprendemento nas universidades e institutos politécnicos españois e do norte de Portugal.
A participación neste encontro dos alumnos e alumnas da USC foi posible grazas ao apoio do LIES_GA e da Dirección Xeral de Xuventude da Xunta de Galicia. Cómpre mencionar, tamén, que dous dos proxectos presentados, EnergyFarm y Thermood naceron no Hackathon que o LIES_GA organizou o pasado mes de marzo.
O Hackathon enmarcouse no programa de actuación 2022 - 2023 da Rede Eusumo. A Rede Eusumo é unha rede de colaboración impulsada pola Secretaría Xeral de Apoio ao Emprego, Traballo Autónomo e Economía Social da Consellería de Promoción do Emprego e Igualdade para o fomento do cooperativismo e a economía social que conta co financiamento do Ministerio de Traballo e EconomíaSocial.
Fonte: USC