¡Hola! Utilizamos cookies propias y de terceros para analizar el uso de esta web y mejorar tu experiencia de navegación. Al continuar navegando entendemos que aceptas nuestra política de cookies.    Saber máis - Aceptar.
LIES_GA
LIES_GA
Sabores Sostibles
Sabores Sostibles
Por algún motivo no se a completado la carga del separador, pincha el botón recargar para intentarlo de nuevo.

Recargar

Sabores Sostibles: Economía Social, innovación e compromiso

18/02/2025

  • Recompilamos as entrevistas realizadas no marco desta campaña

Sabores Sostibles, a través desta campaña, dentro de #ConectaESGalega, demos voz a proxectos de economía social que están a transformar o sector agroalimentario galego, apostando polo consumo responsable, a produción local e o impacto social positivo.

Os protagonistas desta etapa

Árbore Cooperativa: Unha cooperativa de consumo que desde 2002 aposta por produtos ecolóxicos, de tempada e de proximidade. O seu reto? Lidar co greenwashing e coas grandes superficies, promovendo a intercooperación e o consumo responsable. Entrevista con Miguel Braña Montaña.

Malas Sementes Sociedade Cooperativa Galega: Unha proposta innovadora que combina unha cantina/tenda vegana con servizos de comunicación e xornalismo. Apostaron pola economía social tras deixar o xornalismo tradicional e demostraron que emprender sen experiencia previa no sector hostaleiro é posible con paixón e compromiso. Entrevista con Ángela Casal Fernández e Alba Barbadillo Vázquez.

Bico de Grao: Unha cooperativa que promove o consumo responsable a través dunha tenda ecolóxica a granel, un grupo de consumo local e un espazo de sensibilización sobre feminismo e decrecemento. Entrevista con Marta Pérez Freire.

Tres Fuciños SCG: Un proxecto de cría de porco celta en liberdade, unha raza autóctona en perigo de extinción. A súa produción sustentable, baseada na alimentación con castañas e bellotas, contribúe á conservación do medio rural, fixando poboación e reducindo o risco de incendiosEntrevista con Isabel Costas.

Por que estas entrevistas?

Cada unha destas historias é unha mostra de que o cooperativismo e a economía social son ferramentas clave para construír un modelo sostible, equitativo e con impacto real na sociedade. Estes proxectos non só dinamizan a economía local, senón que tamén crean redes de apoio e fortalecen a comunidade.

O que aprendemos

As entrevistas realizadas durante a campaña Sabores Sostibles demostraron que a colaboración é unha das claves do éxito na economía social. A intercooperación entre proxectos non só facilita o crecemento, senón que tamén axuda a superar os desafíos do sector. Ademais, constatamos que a innovación xoga un papel fundamental na transformación do modelo agroalimentario, apostando por novas formas de emprendemento sostible. Por último, queda claro que crear redes e compartir coñecemento fortalece o tecido económico e social, permitindo que máis persoas se sumen a proxectos con impacto positivo no territorio.

Sabores Sostibles chega ao seu fin, pero #ConectaESGalega continúa coa súa próxima campaña centrada no sector TIC. Síguenos e mantente atento/a para coñecer novas historias de emprendemento e economía social en Galicia!

Contidos relacionados
Por algún motivo no se a completado la carga del carrusel, pincha el botón recargar para intentarlo de nuevo.

Recargar