O termo Hackathon resulta da unión dos conceptos "maratón" e "hacker", e refírese a unha experiencia de innovación aberta que busca alcanzar unha meta común de forma colaborativa, nun período curto de tempo.
As persoas participantes desenvolverán habilidades transversais, como a innovación, a comunicación e o traballo en equipo ou habilidades dixitais, todas elas competencias chave para futuros postos de traballo.
Este Hackathon Social Tech pretende involucrar aos estudantes no desenvolvemento de solucións tecnolóxicas e sostibles aos retos que se nos plantexan cos Obxectivos de Desenvolvemento Sostible (ODS) dando solucións nun período de tempo limitado, traballando en equipos multidisciplinares e cunha metodoloxía intensiva e presencial.
As solucións estarán encadradas no ámbito do emprendemento social, a sostibilidade e o potencial da tecnoloxía para resolver retos sociais. Ademais, participarán representantes de diferentes empresas que proporcionarán informacióon sobre a metodoloxía e os retos. O programa divídese en día 1, 'Da oportunidade á idea', día 2 'Da idea á solución' e día 3 'Presentación e selección de proxectos gañadores'.
Calquera estudante da USC, grao, master ou douramento con ganas de aprender, compartir coñecementos e aportar valor á sociedade. Non é preciso ter coñecementos específicos. Os equipos formarémolos o primeiro día. Haberá un premio para os dous mellores proxectos.
- Data e lugar de celebración
14 e 15 de marzo de 2024 de 16:00h a 20:00h e 16 de marzo, de 9:30h a 13:30h. Aula 3 do Módulo A da Facultade de Ciencias da Educación, Campus Vida (USC).
Para asistir tes que cubrir a solicitude de inscrición antes do 8 marzo ás 23:59h. Unha vez pechado o prazo de inscrición, contactaremos contigo para confirmar a túa participación. A actividade está limitada a 30 prazas.
Ligazón á inscrición