IMPACTHON USC: O hackathon que transforma ideas en proxectos de impacto social e ambiental

 03/03/2025

IMPACTHON USC é un programa intensivo en formato hackathon que busca impulsar ideas de negocio con impacto social e ambiental a través de solucións tecnolóxicas. Durante varios días, persoas emprendedoras, estudantes e profesionais traballarán en equipo para transformar propostas innovadoras en proxectos empresariais viables.

Se tes unha idea e queres desenvolvela con apoio especializado, esta é a túa oportunidade! Se, en cambio, queres participar pero non tes unha idea propia, tamén podes unirte a un equipo xa formado e colaborar na súa execución.

Unha experiencia intensiva de innovación e emprendemento

Durante unha semana, os/as participantes seguirán un itinerario práctico que inclúe:

• Presentación de ideas e formación de equipos (10 de marzo)

•Exposición das propostas ante os/as desenvolvedores/as.

•Creación de equipos multidisciplinares para potenciar cada proxecto.

•  Desenvolvemento da proposta de negocio e prototipado (11-13 de marzo)

•Definición da idea e proposta de valor.

•Validación cos usuarios/as mediante prototipos.

•Deseño do modelo de negocio e preparación do pitch final.

•Sesións diarias de seguimento (“DAILY”) cos equipos de desenvolvemento.

•  Presentación final e entrega de premios (17 de marzo)

•Exposición dos proxectos ante un xurado especializado.

•Avaliación tanto da idea de negocio como da súa implementación tecnolóxica.

•Clausura con entrega de premios e celebración final. 

Ademais, esta experiencia é convalidable por 2 ECTS, polo que os/as participantes tamén obteñen recoñecemento académico.

Como participar?

✔ Tes unha idea? Inscríbete antes do 7 de marzo e prepárate para presentala. Se xa tes un equipo, podedes inscribirvos todos/as (máx. 5 persoas).

 ✔ Non tes idea nin equipo? Non pasa nada! O primeiro día poderás unirte a un grupo xa formado e colaborar no seu proxecto.

 ✔ Queres desenvolver solucións tecnolóxicas? Únete como programador/a e escolle un proxecto no que traballar.

Máis información e inscricións.

Esta actividade enmárcase no programa de actuación 2024-2025 da Rede Eusumo. A Rede Eusumo é unha rede de colaboración impulsada porla Secretaria Xeral de Emprego e Relacións Laborais daConsellería de Emprego, Comercio e Emigración para o fomento do cooperativismo e a economía social que conta co financiamento do Ministerio de Traballo e Economía social.